Posted on: 25 Jun 2023
[Translated by devotees of Swami]
[ശ്രീമതി. ഛന്ദ ചോദിച്ചു: പദനമസ്കാരം സ്വാമി! “ഹിന്ദുമതത്തിലെ സ്ത്രീകളുടെ സ്റ്റാറ്റസ്” എന്ന അങ്ങയുടെ പ്രഭാഷണത്തിൽ, മരണാനന്തര ചടങ്ങുകൾ ഒരു പുത്രൻ അവന്റെ നേട്ടത്തിന് വേണ്ടി മാത്രമാണ് ചെയ്യുന്നതെന്നും പരേതനായ ആത്മാവിന് വേണ്ടിയല്ലെന്നും അങ്ങ് പറഞ്ഞു. പരേതന്റെ സ്വത്ത് ഇത്തരം ആചാരങ്ങളിൽ ചെലവഴിച്ചാൽ പരേതനായ ആത്മാവിനും നേട്ടമുണ്ടാകുമെന്ന് അങ്ങ് പറയുന്നു. പരേതനായ ആത്മാവിന് സ്വന്തം കർമ്മ ചക്രം (karma chakra) ഉള്ളതിനാൽ അത്തരം ആചാരങ്ങളാൽ എങ്ങനെ പ്രയോജനം ലഭിക്കും? അത്തരം ആചാരം നടത്തി നാം അതിന്റെ കർമ്മചക്രം മാറ്റുകയാണോ? ദയവായി ഈ ആശയക്കുഴപ്പം വ്യക്തമാക്കുക. അങ്ങയുടെ ദിവ്യമായ താമര പാദങ്ങളിൽ, ഛന്ദ.]
സ്വാമി മറുപടി പറഞ്ഞു:- ഈ ആചാരത്തിൽ (ritual) അർഹനായ ഒരു സ്വീകർത്താവിന് നിങ്ങൾ നൽകുന്ന ഭക്ഷണം പരേതനായ ആത്മാവ് കഴിക്കുന്നില്ല എന്ന അർത്ഥത്തിൽ പരേതനായ ആത്മാവിന് പ്രയോജനമില്ല. ഈ നേരിട്ടുള്ള ആനുകൂല്യത്തെക്കുറിച്ചാണ് ഞാൻ സംസാരിച്ചത്. പരേതനായ ആത്മാവിന്റെ സ്വത്ത് മകന് നൽകുകയും മകൻ അത് നേരിട്ടോ അല്ലാതെയോ ചെലവഴിക്കുകയും ചെയ്താൽ (പരോക്ഷമായി അർത്ഥമാക്കുന്നത് മകൻ തന്റെ പണം ചെലവഴിക്കുകയും പിതാവിന്റെ സ്വത്തിൽ നിന്ന് നഷ്ടപരിഹാരം എടുക്കുകയും ചെയ്യുന്നു) നീതിയുടെ നിയമങ്ങൾ പ്രകാരം പരേതനായ ആത്മാവിനു ഗുണം കിട്ടും.
ഉപരിലോകത്തിലോ (upperworld) ഇഹലോകത്തിലോ പ്രയാസങ്ങളിൽ അകപ്പെട്ടാൽ ആത്മാവിനു ആശ്വാസം ലഭിക്കും എന്നതാണ് ഇതിന്റെ നേട്ടം. ഇത് ഫലങ്ങളുടെ കർമ്മങ്ങളുടെ ചക്രത്തിന് (cycle of deeds of fruits) തടസ്സമല്ല. പരേതന്റെ പണം പ്രത്യക്ഷമായോ പരോക്ഷമായോ ആചാരത്തിനായി ഉപയോഗിച്ചതിനാൽ, പരേതനായ ആത്മാവിനു കർമ്മങ്ങളുടെയും ഫലങ്ങളുടെയും ചക്രത്തിന്റെ ന്യായമായ നിയമങ്ങൾ അനുസരിച്ച് നല്ല ഫലം സ്വീകരിക്കാൻ ന്യായീകരിക്കപ്പെടുന്നു. ഭക്ഷണവും ദക്ഷിണയും (പണം നൽകൽ, offering of money) സ്വീകരിക്കുന്നയാൾ വളരെ അര്ഹനായിരിക്കണം എന്നതാണ് ഏറ്റവും പ്രധാനപ്പെട്ട കാര്യം. സ്വീകരിക്കുന്നയാൾ അർഹതയില്ലാത്തവനാണെങ്കിൽ, അനുഷ്ഠാനം ചെയ്യുന്ന വ്യക്തിക്ക് മാത്രമല്ല, പരേതനായ ആത്മാവിനും തെറ്റായ ദാനധർമ്മത്തിൽ അധിഷ്ഠിതമായ പാപത്തിന്റെ ദോഷഫലങ്ങൾ ദോഷം ചെയ്യും (If the receiver is undeserving, not only the doer of the ritual but also the departed soul are harmed by the bad fruits of the sin that is based on wrong charity).